بضم صدرك لين تصبح على خير

عدد المساهمات : 95 تاريخ التسجيل : 25/04/2009

افتح شبابيك الهوى جيتـك اليـوم
حساس من زود الوله ودي ابطيـر
جيتك مثل طفلن له ايـام محـروم

عن حضن امـه بعدتـه المقاديـر

وجيتك مثل عودن له ايام مهمـوم

وده يلاقـي باخـر الوقـت تقديـر

وجيتك حضن عاشق وهايم ومغروم

وده يضمك لين تصبح علـى خيـر

متى تحس ان الهوى شي مقسـوم

من قسمة الخالق على خلقه يصير

ومتى تحس اني لك اطيـح واقـوم

واتعب على شانك واقدرك وآغيـر

لي في هواك احلام وامال وعلـوم

واحزاب واصحاب وقصيد وجماهير

وهموم وافكار وهواجيس وحلـوم

وادروب واخطار وعذاب ومشاويـر

وحب وغلا واخلاص ومعاند ولـوم

واحساس والهام وشعور وتفاكيـر

وصحبة سهر ومقاطعة لذة النـوم

واشواق جياشه وعشـق وتعابيـر

في ذمتك مابان لك شـي مكتـوم

من بعد ماصورت الاوضاع تصوير

لاتحسب انك شي عابـر ومعـدوم

وتاريخ حبك فـاق كـل الاساطيـر

في كل شي اتخيلـك واسمعـك دوم

واتأملك في الوقـت الأول ولآخيـر

من ماضي الأيـام ليومـك اليـوم

وغلاك عندي ماحصل فيـه تغييـر

وانا لك الله مأقبل البيـع والسـوم

ولا ارضى علي ولاعليك المخاسير

لاْني الوحيد اللي على بحرك يعـوم
واللي عرف مرساه في رحلة السير

لحظه حبيبي قبـل يسبقنـي النـوم

بضم صدرك لين تصبح على خيـر

بضم صدرك لين تصبح على خير 96bbf39811

كلماآاآاآت رائعة
دمتي بتميييييييييييييييز